NicE DaY!!!!!!!!!!ConGratUlaTiOn!!!!!!!My SisTeR

يوم 7/9/2007 يا له من يوم لن ينسى ابداً انه يوم خطوبة "رؤى ومعتز" فان هذا اليوم بالصدفة كان يوم جمعة اى يوم عيد فى السماء وفعلاً انه كان بالنسبة لى وبالنسبة لاصدقاء العروسين عيد فان البهجة كان على وشوش كل من فى الفرح من اصغرهم الى اكبرهم ......... وسوف اسرد لكم نبذة عن ما حدث فى هذا اليوم

فى السطور القادمة..................

الفرح كان الساعة 7 ومعتز ظبط معانا على 7 بالظبط ويا كيمو اوعى تتأخرو 7 بالظبط وانا اقوله عيب الساعة 7 بالظبط هنكون فى قلب القاعة .........

واتقابلت فعلاً انا و صاصا ----------- حكايات زمان

و اسماعيل --------- Exprite ur self

ومشمش ----------- ^~ طرطشة افكار ~^

اتقابلنا على الساعة 6 وربع كده وخدنا نفسنا وطرنا على النادى وبالظبط على الساعة 7 كنا هناك فعلاً

طب فين العريس فين العروسة فين اى حد مفيش حد جه لسه ههههههههههههههه وهو ده اللى الكل كان متوقعة

المهم الفرقة بتوع الزفة كانو هيتخانقو معانا احنا علشان العريس والعروسة اتأخرو واحنا ياجماعة احنا ملناش دعوة احنا اضحك علينا زيكو بالظبط .

وطبعاً مطلعش احنا بس اللى مستنين ده قابلنا باقى الشلة قابلنا

على و اسامة وهاجر وسارة و احمد ونهى وعبده ومحمد

وبعد ساعة بالظبط سمعنا دوشة برة النادى اخيراً وصلووووووووووو

وابتدئ الفرح والزغاريط والزفة كانت زفة كتير جميل بس الاجمل بقى العريس والعروسة كانو منورين النادى

والقاعة ومنورين اليوم كله وابتدئ بقى الرقص خدنا العريس ..........بس هو ده اللى احنا عملناه اننا وصلنا لمعتز وخدناه علشان بعد كده صحابه من الكلية وعلى رأسهم "ظاظا" خطفوه هم وعملو عليه دائرة كبيرة

واحنا وقافين فى اخر القاعة مقضينها تسقيف وتشجيع لان هو ده اكتر حاجة كنا ممكن نعملها فى الوقت ده

لان ظاظا كان خاطف معتز ههههههههههههههه. ولكننا قررنا اننا مش نسكت ونعمل دائرة احنا مع نفسنا

ونرقص احنا وملناش دعوة ولا بظاظا ولا بالعصابة هههههههههههههههه وفعلاً تمت العملية الانتحارية بنجاح

طوال الفرح دون اى خسائر مع ان ظاظا خطف واحد مننا وخده رهينة هناك فى شلة العصابة والواحد ده

كان كيمو الغلبان ههههههههههههههه. لكن قدر يهرب والله باعجوبةههههههههههه .... وجه بقى الوقت اللى الكل مستنيه لاء لاء مش "الشبكة" الشبكة خلاص اتلبست الوقت اللى الكل مستنيه وهو وقت "البوفية" ههههههههههه .ولقينا الاكل بينزل للترابيزات كلها وابتدأ الاكل ينفذ واحنا واقفين مكتوفى الايدى ههههههههه ولكن كلا وبلا

رحت واخد صاصا ورحنا للمطبخ ايه يا جماعة ده فى شلة كبيرة برة مش خدت ولازم تودولها علشان مش يعملو ثورة قومية فى الفرح ههههههههههههههه وفعلاً الاطباق وصلت والبيبسى وصل ههههههههههه

وقومنا بالواجب ده .........ورحنا مكملين تسقيف بقى لحد اخر الفرح. بس الفرح كان جميل جداً

ربنا يسعدكو يارب يا "معتز" انت و"رؤى" ويتم ليكو على خير يارب ويبارك فيكو

ويسعدكم ويرزقكم بالذرية الصالحة يارب وتملو الدنيا صبيان وبنات يارب

طب اليوم خلص كده لالالالالالالالا الساعة كانت 11 واتفقنا انا والشباب نكمل السهرة برة فى اى مكان

وده ما سوف نكملة بعدين وهو بوست "البيتزا و كوبرى الجامعة"