عودة شباب الخير........Shabab El-khier is back

البوست ده هتكلم فيه شوية عن شباب الخير ومين هم وعملو ايه وهيعملو ايه السنة ديه ان شاء الله

شباب الخير هم اصدقاء فى جامعة القاهرة وهم مع بعض السنة اللى فاتت قالو عايزين نعمل حاجة جديدة فى رمضان السنة ديه ومش زى كل سنة صوم وصلاة وقرآن بس احنا عايزين نساعد المحتاجين وفعلاً اتفقوا انهم

يعملو حاجة جديدة فى رمضان بس مش عارفين يعملو ايه بالظبط هل نجيب بلح ونوزعو على الناس وقت الفطار علشان يفطرو عليه ولا نعمل اكل ونروح بيه للناس المتحاجة علشان يفطرو بيه ولا نعمل ايه بالظبط

وسبحان الله جت لنا فكرة اننا نجمع فلوس ونعمل شنط رمضان ونوزعها على الناس اللى فعلاً ناقصها حاجات رمضان ......... وفى نفس اليوم بدأنا التجميع وبسم الله مشاء الله فى 3 ايام بالظبط كنا جمعنا المبلغ المطلوب

ورحنا اشترينا الحاجات و عبنا الشنط فى الجامعة ووزعنها وده كان اول مشروع لينا مع بعض وكان هيقف عليه

احنا هننجح نعمل حاجات تانية مع بعض ولا مش هنقدر لكن بسم الله مشاء الله مشروع شنط رمضان نجح نجاح ساحق والحمد لله فى ناس كتير فى الجامعة عرفونا وجم وشاركو معانا بمجهودهم فى المشاريع التالية وطبعا بعد

منجح مشروع شنط رمضان ادانا حافز جامد اننا نكمل قولنا نعمل مشروع هدوم العيد اننا نجمع الهدوم مننا اللى صغرت علينا اللى قدمت اى هدوم ونعمل بيها معرض للمحتاجين علشان يعيدو بيها وفعلا جمعنا هدوم كتيييييير

ورحنا جمعية خيرية وعملنا المعرض والحمد لله بعون الله المشروع ده نجح هو كمان الحمد لله ورمضان خلص

ففكرنا اننا نجيب لعب ونروح بيها دار ايتام نقضى معاهم يوم فى العيد علشان الناس بتنسى الايتام فى العيد

وحددنا اليوم وكان تانى يوم العيد وجمعنا بعض ورحنا مش دار واحد رحنا دارين ايتام بجد كان يوم جميل جدا جدا جداً

وكانت فترة شباب الخير من احسن الفترات اللى عدت عليا فى حياتى وكان احسن رمضان عدى عليا فى حيانى .............................................. ديه كانت نبذة عن شباب الخير السنة اللى فاتت

وجه رمضان السنة ديه هل شباب الخير خلاص ملهاش اي مشاريع ؟ ملهاش اى دور السنة ديه؟

طبعاً لاء احنا السنة ديه بردة مع بعض بس لسه فى البداية ولسه بنجمع الفلوس واللى عايز يبقى معانا يقول

سواء بمجهودة يشارك معانا او بانه يجمع تبرعات ويجبها ديه حاجة تانية او حاجة تانية واحسن واحسن

انه يدعيلنا دعوتين حلوين كده اننا ننجز المشروع ده.......................

وكـــــــل سنـــــــــــة وانتــــــــــــــــــم طيبيـــــــــــــــن