.......رسالة الى كل شباب........
انهاردة فى البوست ده هتكلم مع الشباب عن مواصفات فتاة احلامهم ايه
وهقول بعض الحالات وهم ممكن يختارو منها
وندخل فى الموضوع على طول
طبعاً فى مواصفات اساسية ديه اللى الشباب عايزنها فى اى بنت هيفكرو يتقدمولها وهى انها تكون محترمة جدا
ومتدينة وبتحترم نفسها وبتحترم الاخرين وانها تكون بنت ناس محترمة
ديه تقريبا المواصفات الاساسية اللى مطلوبة فى شريكة حياة اى شاب طب اوك فعلاً البنت ديه موجودة خلاص كده بقى هروح اتقدملها وان هى ديه المواصفات النهائية من وجهة نظرى انا لاء لان فيه بعض النقط لازم نعرفها
· ما هى ميول هذة الفتاة؟
1 - هل هى ميولها سياسية ؟
يعنى قاعدة قدام قناة الجزيرة 24 ساعة وتشترى الجرانين كل يوم وبالتالى الواحد هيرجع من الشغل هيلاقها بتقوله شوفت بوش عمل ايه واقتصاد بروندى بقى احسن مننا بسبب كذا وكذا
شوفت فلسطين واللى حصل فيها شوفت المزبحة اللى حصلت فى الخرطوم شوفت شوفت شوفت
يعنى بدل ميرجع من الشغل تهون عليه تعب الشغل تجبله اكتئاب على الاكتئاب اللى شايفة فى الشغل .
2- هل هى ميولها رياضية؟
يعنى قاعدة قدام قناة art sport 24 ساعة ونازله شرا مجلات رياضية وتدخل على النت على المواقع الرياضية واحسن لعبة بتحب تتفرج عليها هى المصارعة الحرة طبعاً كلنا عارفين ايه اللى هيحصل
هيرجع من الشغل الراجل المطحون هيلاقيها بتقولى شوفت البرازيل خسرت من شيلى فى الوقت البدل الضائع
شوفت جون سينا بعد مبارة استمرت 45 دقيقة قدر يكسب الحانوتى بعد مكسروا بعض هبقى اخليك تتفرج على الاعادة بتاعت الماتش .
3 – هل هي ميولها نكدية؟
يعنى قاعدة تتفرج على الافلام الحزينة كلها وشغال فى شراء جرانين الحوادث وبالتالى هيرجع الراجل المطحون من الشغل يلاقى مراته محضرالة السكينة وتقوله انا هقتلك قبل متقتلنى زى ماعباس قتل تفيدة
4- هل هى ميولها متابعة الموضة؟
يعنى قاعدة 24 ساعة بتتفرج على قناة المرأة وبتابع الموضة وتشترى كتب فى الموضة وفى الاخر الراجل يرجع من الشغل تقوله يلا ننزل نشترى فستان علشان بجد انا شايفة ان الفستان اللى شوفته انهاردة فى التليفزيون هيبقى جنان عليا وبالمرة نعدى على محل بشرة خير اجيب كريم اسمنت وايشاندو وبالمرة نعدى على خيرية الخياطة تعملى تييير انما ايه الناس هتتجنن عليه
-------- دول كانو بعض النقط اللى بجد شدوا انتبهاى فى الفترة السابقة يعنى بعد مالشاب يقدر يوصل للفتاة المحترمة بنت الناس المؤدبة المتدينة يلاقى 100 حاجة تانية تكره فى عيشته علشان كده بجد لازم الشاب يخلى باله ويدرس الموضوع ده وقت طووووووووووويل علشان يقرر حاجة زي ديه علشان ميجيش بعد كده يندم
ولازم اللى يتجوزها لازم تكون حنينة وعاطفية وبتخاف عليه مش اهم حاجة عندها جيبه ويرجع من الشغل بسرعة بجد المسائله ديه مسائلة حيوية جداً
وكفاية كده علشان حاسس انى هتضرب هههههههههههههه
11 comments:
هممممممممممممممممممم
انا افضل ان الواحد مش يتزوج افضل
وذى بردة البنت بردة الول ليه الف ميول وميول
بس المشكله فى البنت ان الراجل راجع من الشغل طالع عين اهله
§a§a said...
هممممممممممممممممممم
انا افضل ان الواحد مش يتزوج افضل
وذى بردة البنت بردة الول ليه الف ميول وميول
بس المشكله فى البنت ان الراجل راجع من الشغل طالع عينه
***********************************
ههههههههههههه
انا كمان بفضل هذا الرآى يا استاذ صاصا
وفعلاً الكلام مش على البنات بس لكن انا بتكلم على اساس ان الراجل محتاج فعلاً حد يهون عليه عناء العمل مش يخنقه هى ديه الفكرة
جامد قوي يا كيمو والله
بس عايز اقولك ان الحالة اللي هي ميولها نكدية
المفروض يتقال عليها ميول اجرامية
لان اصلا هم في كل الحالات نكديين
هم بيحبوا النكد بطبيعتهم
:)
MONDAHESH said...
جامد قوي يا كيمو والله
بس عايز اقولك ان الحالة اللي هي ميولها نكدية
المفروض يتقال عليها ميول اجرامية
لان اصلا هم في كل الحالات نكديين
هم بيحبوا النكد بطبيعتهم
:)
*************************************
ياجميل ده جامد قوى علشان انت بس قريته
وحكاية ميول اجرامية ديه صح
فعلاً المفروض يتقال عليهم ميول اجرامية
وربنا يبعد عنا النكدين يارب
المهم لازم نعمل الف حساب قبل من نفكر باى حاجة
البنات دول خلاص الواحد زهق منهم
ملو البلد بشكل فظيع
بنات بنات بنات
§a§a said...
البنات دول خلاص الواحد زهق منهم
ملو البلد بشكل فظيع
بنات بنات بنات
************************************
اه يا صاصا جيت على الجرح يا صحبى
وعلى الرغم من كترهم بالشكل الفظيع ده الى ان لازم الواحد يدرس قرار الجواز بأى واحدة مليون مرة قبل ميرجع يندم
اللهم الهمنا الصواب
كيموووووووووو
ايه يا ابنى
انت و صاصا و مندهش
مستغنيين عن حياتكم ولا ايه
ومالهم البنات
دى حتى الحياه متنعش من غيرهم
ههههههههههههه
ولا عندكوا اعتراد ؟؟؟؟ :D
catroz said...
كيموووووووووو
ايه يا ابنى
انت و صاصا و مندهش
مستغنيين عن حياتكم ولا ايه
ومالهم البنات
دى حتى الحياه متنعش من غيرهم
ههههههههههههه
ولا عندكوا اعتراض ؟؟؟؟ :D
*************************************
هههههههههههههههه
اهو هواه المصارعة جم ههههههههههههههههههههه
لاء ازاى معندناش اى اعتراض
catroz said...
كيموووووووووو
ايه يا ابنى
انت و صاصا و مندهش
مستغنيين عن حياتكم ولا ايه
ومالهم البنات
دى حتى الحياه متنعش من غيرهم
ههههههههههههه
ولا عندكوا اعتراد ؟؟؟؟ :D
_________________
ايون عننا اعتراض
انتو اساسا اللى منغصين علينا حياتنا كل المشاكل اللى انا فيها منكم يا بنات
مليتو البلد
هههههههه
طبعا شم كل البنات
انا اقصد كل البنات معاادا هواة المصارعه
يحسن واحدة تطلعلى استيف اوستن ولا الحانوتى ويبقى ليله مش معدية
بقى احناااااا
احنا اللى ملينا البلد
حرام عليييييييييييك
طيب يعنى انتوا تقدروا تعيشوا من غيرنا
طيب و ميييييييييين هيعملكوا مكرونه بالبسشاميل
ههههههههههههه
catroz said...
بقى احناااااا
احنا اللى ملينا البلد
حرام عليييييييييييك
طيب يعنى انتوا تقدروا تعيشوا من غيرنا
طيب و ميييييييييين هيعملكوا مكرونه بالبسشاميل
ههههههههههههه
************************************
اخ بتمسكينا من ايدينا اللى بتوجعنا
لاء حاش وماش
وبعدين لو كتير وكلكو بتعرفوا تعملو مكرونة بالبشاميل تبقوا على دماغنا من فوق لكن انتو اخركوا تشتروا المكرونة ههههههههههههههه
Post a Comment